Gizarteratuz Gizarte-zerbitzuei buruzko analisi
eta gaurkotasuneko argitalpen digitala
Informe de resultados de la investigación sobre los servicios que facilitan la permanencia en su domicilio y en el entorno comunitario de las personas en situación de fragilidad o dependencia de Cantabria según el Modelo de Atención Integral Centrada en la Persona. Santander, Gobierno de Cantabria, 177 págs., 2019
Txosten hori Pilares Fundazioak Kantabriako etxeko arreta-zerbitzuei buruz eginiko ikerketaren emaitza da, eta bi helburu ditu: alde batetik, etxeko laguntza-zerbitzuaren, telelaguntza-zerbitzuaren eta etxeko osasun-arretaren egoera diagnostikatzea, eta, bestetik, erakustea esku-hartze mota hori dela eraginkorrena kostuaren aldetik, egoitza-arretarekin alderatuta. Autonomia-erkidego horretan, etxeko arreta-sistema hauek osatzen dute: batetik, osasun-sareak -hark egiten du mendekotasunaren balorazioa- eta, bestetik, etxeko laguntza-zerbitzuaren bi sarek, udal-mailakoak eta autonomia-erkidegokoak. Bi sareek ere balorazio positiboa duten arren, bikoizketak sortzen dira eskaintzan, eta nahasmena sortzen da erabiltzaileen artean. Horretaz gainera, hiru sareek koordinazio eskasa dute, eta horrek badu eraginik prozesuaren kalitatean eta azken arretan. Ondorio gisa, dokumentuak hobekuntzak proposatzen ditu zerbitzua emateari dagokionez, etxeko laguntza-zerbitzua berritzen laguntzeko, hala nola irizpide profesionalak bateratzea, esku-hartzeak eraginkorragoak eta kalitate handiagokoak izan daitezen, eta, horri esker, erabiltzaileen eta haien familien gogobetetze-maila areagotu dadin.
AdinekoakMendekotasunaDesgaitasunaHaurtzaroa
Eurofound-ek (Europar Bizi- eta Lan-baldintzak Hobetzeko Fundazioa) 2025ean argitaratutako txosten honen helburua ordaindu gabeko zaintza-egoera Europar Batasunean (EB) aztertzea da.
MendekotasunaGeneroaHaurtzaroa
Adingabeak eta mendetasun-egoeran dauden pertsonak zaintzea, gaur egun gehienbat emakumeek betetzen dutena, guztion ongizaterako ekarpen ordezkaezina da.
AdinekoakMendekotasunaGeneroaHaurtzaroa
Liburu honek María Ángeles Duránek zaintzaren inguruan egindako ikerketak biltzen ditu.
Dokumentu honetan, Europako eta Amerikako hainbat herrialdetan mendetasun-egoeran dauden pertsonentzako zerbitzuen esparruan zabaldutako kalitatea arautzeko eta kudeatzeko ereduen azterketa sakona jasotzen da, eta arreta berezia jartzen da adinekoentzako egoitza-zerbitzuetan.
Mendekotasuna duten pertsonentzako zerbitzuen kalitatea kudeatzeko ereduak
Iraupen luzeko zainketen finantzaketa publikoaren helburua da zerbitzuetarako sarbidea bermatzea, haien kostua familientzat mugatzea eta arreta komunitarioa indartzea, behar ez diren ospitaleratzeak saihesteko.
Hiru dira azterlan honen helburuak: Europar Batasunean zaintza informala ezagutzea, zaintza hori ematen duten pertsonen kopurua eta profila identifikatzea eta, azkenik, zaintza informalari lotutako banakako eta estatuko kostuak kalkulatzea.
