Mendekotasunaren zaintza informala Europan

Hiru dira azterlan honen helburuak: Europar Batasunean zaintza informala ezagutzea, zaintza hori ematen duten pertsonen kopurua eta profila identifikatzea eta, azkenik, zaintza informalari lotutako banakako eta estatuko kostuak kalkulatzea. Eskuragarri dauden datuen arabera, 18 eta 74 urte bitarteko Europako biztanleriaren %12tik %18ra bitartean zaintza informala ematen du gutxienez astean behin, baina zehaztu behar da zaintza informalaren %80 inguru urtebete baino gehiago luzatzen dela.

Modu informalean zaintzen duten pertsona gehienak emakumeak dira (%59), eta astean 16 ordu ematen dituzte batez beste zeregin horretan. Zaintza informala zaintzari eskainitako zenbaketa orokorraren %80 izango litzateke, eta haren diru-balioa 2018ko Europar Batasuneko aurrekontuaren %2,7 ingurukoa izan liteke. Txostenak, era berean, zaintza informalaren ondoriozko diru-sarreren murrizketa kuantifikatzen du (enpleguari partzialki edo erabat uko egiteagatik): 45 eta 65 urte bitarteko emakumeek batez beste 18.000 euro galtzen dituzte urtean, edo 100.000 euro inguru sei urtean.