Gizarteratuz Gizarte-zerbitzuei buruzko analisi
eta gaurkotasuneko argitalpen digitala
Rostgaard, T. Revisiting the public care model: the Danish case of free choice in home care. En: Christensen, K. y Pilling, D. (eds.): The Routledge Handbook of Social Care Work around the World, Londres, Routledge, 2020, págs. 29-44
Danimarkako etxeko zainketa-sistemaren gaineko azterketa horren arabera, sektorea merkantilizatzeko prozesuaren poderioz, okerrera egin dute lan-baldintzek, baina ez ezinbestean arretaren kalitateak. Izan ere, badirudi zerbitzuak askatasunez aukeratzeak babes mardula duela herritarren, erabiltzaileen eta udal-arduradunen artean, gastuari eusteko aukera handiagoak topatu baitituzte formula horretan. Bestalde, badirudi hornitzaileen arteko lehiak ez duela nabarmen handitu erabiltzaileek zerbitzuarekin duten gogobetetasuna. Aitzitik, badirudi areagotu egin dela erakunde hornitzaileek duten gaitasuna erabiltzaileen beharrak, lehentasunak eta itxaropenak hautemateko. Zein litzateke, orduan, Danimarkako ereduaren balantzea? Egileak ez du ematen erantzun kategorikorik. Alde batetik, positibotzat jotzen du Estatuak zerbitzuen gaineko erantzukizunari eustea, eta, irizten dionez, malgutasun handiagoak ahalbidetu egiten du etxeko arretaren unibertsaltasuna indartzea eta erabiltzaileen beharretara are gehiago egokitzea. Alabaina, adierazten du, orobat, erabiltzaileen hautatzeko gaitasuna hobetzea lortu ahal izateko, okerragotu egin direla langileen lan-baldintzak, eta lortu ere horrexen kontura lortu dela.
AdinekoakMendekotasunaDesgaitasunaHaurtzaroa
Eurofound-ek (Europar Bizi- eta Lan-baldintzak Hobetzeko Fundazioa) 2025ean argitaratutako txosten honen helburua ordaindu gabeko zaintza-egoera Europar Batasunean (EB) aztertzea da.
MendekotasunaGeneroaHaurtzaroa
Adingabeak eta mendetasun-egoeran dauden pertsonak zaintzea, gaur egun gehienbat emakumeek betetzen dutena, guztion ongizaterako ekarpen ordezkaezina da.
AdinekoakMendekotasunaGeneroaHaurtzaroa
Liburu honek María Ángeles Duránek zaintzaren inguruan egindako ikerketak biltzen ditu.
Dokumentu honetan, Europako eta Amerikako hainbat herrialdetan mendetasun-egoeran dauden pertsonentzako zerbitzuen esparruan zabaldutako kalitatea arautzeko eta kudeatzeko ereduen azterketa sakona jasotzen da, eta arreta berezia jartzen da adinekoentzako egoitza-zerbitzuetan.
Mendekotasuna duten pertsonentzako zerbitzuen kalitatea kudeatzeko ereduak
Iraupen luzeko zainketen finantzaketa publikoaren helburua da zerbitzuetarako sarbidea bermatzea, haien kostua familientzat mugatzea eta arreta komunitarioa indartzea, behar ez diren ospitaleratzeak saihesteko.
Hiru dira azterlan honen helburuak: Europar Batasunean zaintza informala ezagutzea, zaintza hori ematen duten pertsonen kopurua eta profila identifikatzea eta, azkenik, zaintza informalari lotutako banakako eta estatuko kostuak kalkulatzea.
