Gizarteratuz Gizarte-zerbitzuei buruzko analisi
eta gaurkotasuneko argitalpen digitala
Dunér et al. Merely a rhetorical promise? Older users’ opportunities for choice and control in Swedish individualised home care services. Ageing and Society, vol. 39, nº 4, 2019, págs. 771-794
Mendekotasuna duten adinekoak artatzeko Suediako eredua berdintasunera eta elkartasunera bideratu izan da tradizioz. Gaur egun, halere, nahi den zainketa-mota hautatu ahal izatea azpimarratzen du. Horretaz gainera, aldi berean gertatu dira zerbitzuen indibidualizazioaren eta zainketa-lanetako hornitzaileen arteko lehiaren bultzada, batetik, eta, bestetik, gizarte-politiken murrizketak -gure inguruko beste herrialde batzuetan ere ikusi diren joerak, guztiak ere-. Inguruabar horietan, azterlan horrek aztertzen du zer kontrol-maila duten adineko pertsonek etxean jasotzen dituzten zainketa-zerbitzuei dagokienez. Nahiz eta zerbitzuekiko gogobetetasuna den nagusi, adinekoei egindako inkestek eta elkarrizketek zalantzan ipintzen dute ikuspegi sinplista bat: erabiltzaileak ondo informatuta dauden eta aukera arrazionalaren logika aplikatzen duten kontsumitzailetzat hartzen dituena. Egileek ondorioztatu dutenez, aukera asketik harago doa erabiltzaileen beharrak eta itxaropenak kontuan hartuko dituen arreta benetan indibidualizatuaren bermea. Ildo horretan, nabarmentzen dute garrantzitsuak direla adinekoen eta zaintzaileen arteko lotura pertsonalak, eta sektoreko lan-baldintzak hobetzea eta zerbitzuak malgutzea gomendatzen dute.
AdinekoakMendekotasunaDesgaitasunaHaurtzaroa
Eurofound-ek (Europar Bizi- eta Lan-baldintzak Hobetzeko Fundazioa) 2025ean argitaratutako txosten honen helburua ordaindu gabeko zaintza-egoera Europar Batasunean (EB) aztertzea da.
MendekotasunaGeneroaHaurtzaroa
Adingabeak eta mendetasun-egoeran dauden pertsonak zaintzea, gaur egun gehienbat emakumeek betetzen dutena, guztion ongizaterako ekarpen ordezkaezina da.
AdinekoakMendekotasunaGeneroaHaurtzaroa
Liburu honek María Ángeles Duránek zaintzaren inguruan egindako ikerketak biltzen ditu.
Dokumentu honetan, Europako eta Amerikako hainbat herrialdetan mendetasun-egoeran dauden pertsonentzako zerbitzuen esparruan zabaldutako kalitatea arautzeko eta kudeatzeko ereduen azterketa sakona jasotzen da, eta arreta berezia jartzen da adinekoentzako egoitza-zerbitzuetan.
Mendekotasuna duten pertsonentzako zerbitzuen kalitatea kudeatzeko ereduak
Iraupen luzeko zainketen finantzaketa publikoaren helburua da zerbitzuetarako sarbidea bermatzea, haien kostua familientzat mugatzea eta arreta komunitarioa indartzea, behar ez diren ospitaleratzeak saihesteko.
Hiru dira azterlan honen helburuak: Europar Batasunean zaintza informala ezagutzea, zaintza hori ematen duten pertsonen kopurua eta profila identifikatzea eta, azkenik, zaintza informalari lotutako banakako eta estatuko kostuak kalkulatzea.
