Zenbat kostatuko litzateke Espainian haur-hezkuntzako sistema unibertsal bat ezartzea?

Lehen haurtzaroko heziketa eta zaintza (0-3 urte) mesedegarri dira haurren ongizate fisiko eta psikologikorako; horrez gain, hobetu egiten dituzte ondorengo eskola-emaitzak, eta neska-mutikoen aukera sozialak hobetzen, batez ere diru-sarrera txikienak dituzten familietakoenak. Hezkuntza-etapa hori unibertsal bihurtzea proposatzen du ELGAk, baina 2015-2016 ikasturtean Espainiako familien erdiek baino gehiagok ezin izan zuten baliabide preziatu hori erabili, arrazoi ekonomikoak zirela medio. Espainian lehen zikloko haur-hezkuntzako sistemaren kostuaren zenbatespena egin du aipagai dugun ikerketa aitzindari horrek, kontziliazio-politikekin lotu, eta zerbitzu unibertsal, doakoa eta kalitatekoa proposatu, eta kostuak zein onurak kalkulatu. Egileen arabera -eta haur-hezkuntzarako sarbidean lurraldeen artean dauden ezberdintasunak alde batera utzita-, 2017an erregistratutako % 35,5eko estalduratik % 72ko estaldura optimora aldatzeko 5.300 eta 7.400 milioi euro bitarte beharko lirateke urtean; aldiz, aldaketak ekarriko lituzkeen onurak urtean 5.700 eta 10.100 milioi euro bitartekoak izango lirateke.