Gizarteratuz Gizarte-zerbitzuei buruzko analisi
eta gaurkotasuneko argitalpen digitala
De Almeida Mello, J. et al. Evaluations of home care interventions for frail older persons using the interRAI Home Care instrument: a systematic re-view of the literature. Journal of the American Medical Directors Association, vol. 16, nº 2, 2015, págs. 173-219.
Ziurrenik, InterRAI Home Care (IHC) erreminta izango da ohikoenetako bat etxeko arreta-zerbitzuetan. InterRAI balorazio-eskalen sortako tresna estandarizatu bat da, eta hainbat herrialdetan erabiltzen da. Lerrootan aipatzen dugun artikuluak tresna horren erabilera posibleak deskribatzen ditu, eta, horretarako, literaturaren berrikuspen sistematiko bat hartzen du abiapuntu. Tresna hori baliatu zuten hemezortzi esku-hartzeren gaineko azterketak agerian uzten duenez, erreminta baliagarria da hainbat helburutarako. Erabilerarik ezagunena adinekoen premiak modu integralean ebaluatzea da. Ebaluazio horren xedea da onuradunak edo onuradun izan daitezkeenak profilen arabera sailkatzea. Halaber, programa baten emaitzak ebaluatzeko ere erabili da. Azkenik, kasuen kudeaketarekin konbinatzen bada, baliagarri izan daiteke zainketa-planak inplementatzeko. Ildo horretan, kontsultatutako ikerketa batzuek azpimarratzen dute lagungarri izan daitekeela ospitaleratzeak eta ospitaleko egonaldien iraupena murrizteko. Horrek dakarren aurrezpen ekonomikoa ahaztu gabe. Ikerketaren muga nagusia da ingelesez argitaratutako artikulu zientifikoak bakarrik aztertzen dituela, eta ez dituela kontuan hartzen, ez literatura grisa, ez beste hizkuntza batzuetako lanak.
AdinekoakMendekotasunaDesgaitasunaHaurtzaroa
Eurofound-ek (Europar Bizi- eta Lan-baldintzak Hobetzeko Fundazioa) 2025ean argitaratutako txosten honen helburua ordaindu gabeko zaintza-egoera Europar Batasunean (EB) aztertzea da.
MendekotasunaGeneroaHaurtzaroa
Adingabeak eta mendetasun-egoeran dauden pertsonak zaintzea, gaur egun gehienbat emakumeek betetzen dutena, guztion ongizaterako ekarpen ordezkaezina da.
AdinekoakMendekotasunaGeneroaHaurtzaroa
Liburu honek María Ángeles Duránek zaintzaren inguruan egindako ikerketak biltzen ditu.
Dokumentu honetan, Europako eta Amerikako hainbat herrialdetan mendetasun-egoeran dauden pertsonentzako zerbitzuen esparruan zabaldutako kalitatea arautzeko eta kudeatzeko ereduen azterketa sakona jasotzen da, eta arreta berezia jartzen da adinekoentzako egoitza-zerbitzuetan.
Mendekotasuna duten pertsonentzako zerbitzuen kalitatea kudeatzeko ereduak
Iraupen luzeko zainketen finantzaketa publikoaren helburua da zerbitzuetarako sarbidea bermatzea, haien kostua familientzat mugatzea eta arreta komunitarioa indartzea, behar ez diren ospitaleratzeak saihesteko.
Hiru dira azterlan honen helburuak: Europar Batasunean zaintza informala ezagutzea, zaintza hori ematen duten pertsonen kopurua eta profila identifikatzea eta, azkenik, zaintza informalari lotutako banakako eta estatuko kostuak kalkulatzea.
