Haurren Eskubideen Bermea Espainian aplikatzeko arauak

Zehatz-mehatz aztertzen ditu Unicefen txosten horrek haurren eskubideak babesteko azken urteotan Espainian garatu diren politika publikoak. Lehenik eta behin, haurren eta nerabeen gabezia ekonomikoak eta materialak jorratu ditu txostenak; ondoren, lehen haurtzaroan neska-mutikoen eskubide hauek babesteko hartutako neurriak: hezkuntza, zaintza, eskolaz kanpoko jarduerak, irakastegun bakoitzeko otordu bat (gutxienik), osasuna, etxebizitza egokia eta, azkenik, elikadura osasungarria izatekoa. Ekitaldi honetan jasotako esperientzien eta irakaspenen arabera bideratu nahi da Haurren Eskubideen Bermea Espainian; horretarako, zenbait helburu eta adierazle ezarri dira, eta administrazioaren maila guztietan haurrak babesteko dauden esku-menen mapa bat prestatu. Irizpide orokor gisa, hau gomendatzen du Unicefek: "Erakundeen kudeaketa-esparru eraginkorra behar duela Haurren Eskubideen Babesak Espainian, talderik ahulenen beharretara egokitutako erantzun pertsonalizatua, eta jardunbide egokienetan oinarritu-tako programen lurraldekako ikuspegia".