Europar Batasunean haurren pobreziaren aurkako borroka areagotzeko mekanismoak

Estatu Batuek izan ezik, munduko herrialde guztiek berretsi dute Haurren Eskubideen Ituna; Europan, berriz, badira nazioarteko beste arau eta tresna osagarri batzuk adin-tarte horretako herritarren eskubideak zaintzeko, batez ere pobreziatik babesteko. Honenbestez, agiri hauek aztertu ditu aipatutako txostenak: Europako Batzordearen «Haurrengan inbertitzea: desabantailen zikloa eteteko bidea» izeneko gomendioa (2013), Europako Kontseiluaren Oinarrizko Eskubideen Gutuna (2017) eta, azkenik, Gizarte Eskubideen Europako Zutabea (2017) eta Europar Batasunaren 2020 Estrategia. Azterketaren emaitza gisa, zenbait jardunbide egoki atzeman ditu agiriak, eta gomendio batzuk egiten ditu haurren pobreziari ekiteko eta borroka horri behar duen lehentasuna eta eraginkortasuna eskaintzeko. Hona proposatzen diren ideietako batzuk: hobetzea haurren pobreziari buruzko datuen bilketa eta monitorizazioa; estatistikak adin-tarteka sailkatzea; pobreziaren aurkako estrategia nazionaletan aintzat hartzea haurren pobrezia; helburu zehatzak ezartzea, eta EBren finantzaketa helburu horiek lortzeari lotzea.