Gizarteratuz Gizarte-zerbitzuei buruzko analisi
eta gaurkotasuneko argitalpen digitala
Home Care and Digital Platforms in Spain. Barcelona, Digital Future Society, 2021, 70 págs.
Urte gutxiren buruan, plataforma digitalak lan-bitartekaritzako agente nabarmen bilakatu dira hainbat jardueratan, hala nola ibilgailu gidaridunak alokatzeko edo ostatu partikularrak kontratatzeko. Plataforma horiek Espainiako etxeko arretan duten presentzia gero eta handiagoa aztertzen du azterlan horrek. Horretarako, gaiari buruzko literatura berrikusteaz gainera -oraindik ere oso hasiberria-, elkarrizketak ere egiten ditu arduradunekin eta adituekin. Herrialdean gehien zabalduriko zortzi plataformen funtzionamendua aztertu ondoren, bi kategoriatan sailkatzen ditu: enplegu-agentzia digitalak eta eskatu ahalako plataformak. Enplegu-agentzia digitaletan, pertsonek gainbegiratzen dituzte hautaketa-prozesuak, eta kontratazioak, berriz, epe luzekoak izaten dira. Eskatu ahalako plataformetan, berriz, batez ere algoritmoetan oinarritzen dira langileak esleitzeko prozesuak, eta epe laburrerako kontratazioak izaten dira nagusi. Bietan ere prozedura automatizatuak baliatzen dituzte eta eskala handian jarduten dute, eta gutxieneko azpiegitura duten udalerrietan eskaintzen dituzte zerbitzuak. Enpresa horiek agertu duten arren sektorea profesionalizatzen eta formalizatzen laguntzeko borondatea, dokumentuak zalantzan jartzen du horretarako duten egiazko gaitasuna, eta nabarmentzen du, orobat, zailtasunak dituztela kalitatezko lan-baldintzak eskaintzeko.
AdinekoakMendekotasunaDesgaitasunaHaurtzaroa
Eurofound-ek (Europar Bizi- eta Lan-baldintzak Hobetzeko Fundazioa) 2025ean argitaratutako txosten honen helburua ordaindu gabeko zaintza-egoera Europar Batasunean (EB) aztertzea da.
MendekotasunaGeneroaHaurtzaroa
Adingabeak eta mendetasun-egoeran dauden pertsonak zaintzea, gaur egun gehienbat emakumeek betetzen dutena, guztion ongizaterako ekarpen ordezkaezina da.
AdinekoakMendekotasunaGeneroaHaurtzaroa
Liburu honek María Ángeles Duránek zaintzaren inguruan egindako ikerketak biltzen ditu.
Dokumentu honetan, Europako eta Amerikako hainbat herrialdetan mendetasun-egoeran dauden pertsonentzako zerbitzuen esparruan zabaldutako kalitatea arautzeko eta kudeatzeko ereduen azterketa sakona jasotzen da, eta arreta berezia jartzen da adinekoentzako egoitza-zerbitzuetan.
Mendekotasuna duten pertsonentzako zerbitzuen kalitatea kudeatzeko ereduak
Iraupen luzeko zainketen finantzaketa publikoaren helburua da zerbitzuetarako sarbidea bermatzea, haien kostua familientzat mugatzea eta arreta komunitarioa indartzea, behar ez diren ospitaleratzeak saihesteko.
Hiru dira azterlan honen helburuak: Europar Batasunean zaintza informala ezagutzea, zaintza hori ematen duten pertsonen kopurua eta profila identifikatzea eta, azkenik, zaintza informalari lotutako banakako eta estatuko kostuak kalkulatzea.
