Zer da haurren pobrezia, eta nola ezaba daiteke

Haurren pobreziaren aurkako konpromisoaren adierazgarri, goi-komisariotza bat sortu zuen Es-painiako gobernuak, berariaz ekin ziezaion gai horri. Paul Marí-Klose izan zen erakundearen lehenbiziko arduraduna (2018-2019), eta kargua utzi ondoren argitaratu zuen liburu hori, zeinaren bidez azken hamarkadan ikusgai bihurtu den arazoaren larritasunaz ohartarazi nahi izan zuen gizartea. Ia hogei urteko azterketa-, dibulgazio- eta aholkularitza-lanean haurren pobreziaz ikasitakoa laburbiltzen du liburuak, egileak berak dioenez, eta Goi Komisariotzan egindako lana azaltzen. Liburu irakurterraza idatzi du Marí-Klosek, eta han jaso ditu bere esperientzia pertsonalak eta inguru hurbileko jendearenak, zera erakusteko: pobreziaren pean haztea zer den, eta zenbaterainoko eragina duen horrek gizaki baten bizitzan. Haurren pobrezia aztertzeaz gain, gaitz hori amaiarazteko zenbait neurri proposatzen ditu Marí-Klosek, mende honen hasieran Erresuma Batuko gobernu laboristek alor horretan egindako inbertsioen ereduari jarraikiz.