Adineko pertsonen diskriminazioa osasunaren esparruan [eu]

[Reseña en euskera] HelpAge erakundeak argitaratutako txosten hau pertsona adinduen berdintasuna eta diskriminazio ezari buruzko bilduma baten atal bat da, eta bertan modu kritikoan araudiaren azterketa burutzen dute, betiere pertsona adinduen osasunaren bermea aldeztuz.

Espainiako HelpAge International argitaratu duen txosten honetan hainbat erakundetako ikertzailek parte hartu dute, eta berdintasuna eta diskriminazio ezaren gaiaren inguruko bilduma baten hirugarren txostena da. Testuaren helburua adinekoen osasuna babesteko eskubidea arautzen duen araudiaren azterketa kritikoa egitea da, hainbat mailatan, eta autonomia-erkidegotan, Estatuan eta Europan eremu horretan edozein diskriminazio mota desagerrarazten saiatzen diren politika publikoak aztergai hartzen ditu. Txostena "Vivir más, vivir mejor" Nazioarteko VII. Foroan aurkeztu zen, Espainiako HelpAge Internationalek Adinekoen Nazioarteko Eguna zela-eta antolatua.

COVID-19aren pandemiaren ondorioz, osasunak, eta batez ere adinekoentzako arretak, zabalik utzi zuen haien eskubideak defendatzeko beharra. Horregatik, txosten honek osasuna babesteko eskubidea jorratzen du, Nazio Batuetan gai horri berari buruzko goi-mailako bi bilera egingo direlako, bata osasun-estaldura unibertsalari buruzkoa eta bestea pandemien aurreko prebentzioari, prestakuntzari eta erantzunari buruzkoa. HelpAge International lan garrantzitsua egiten ari da, bilera horietan duen parte-hartzearen barruan, adinekoak sartu ahal izateko. HelpAge Internationalen ekintza hau eta beste batzuk bat datoz adinekoen eskubideen aldeko nazioarteko konbentzio baten bilaketan. Txostenak, besteak beste, generoaren, adin-talde handiagoaren, bizileku motaren eta abarren araberako azterketa burutzen du.