EAEko boluntariotzari buruzko inkesta

Boluntariotzaren inguruan EAEn elkarteren batekin lankidetzan aritzen den biztanleriaren inguruan azterketa aurkezten du txosten honek. Gehiengo batek diru-dohaintza egiten du (%31,9), eta boluntario-lana egiten duten 200.000 biztanleen artetik %58,8 emakumeak dira.

Espainiako Boluntariotzaren Plataformak eta Boluntariotzaren Behatokiak gidaturik, Euskal Autonomia Erkidegoko 2023 urteko ikerketaren emaitzak aurkezten ditu txosten honek boluntariotzaren ezagutzan sakontzeko. Inkesta bitartez eginda, boluntario-lanaren errealitatearen irudi fidagarria aurkezten da bertan, baita gizarte-erakundeekin elkarlanean diharduten pertsonen eta boluntarioen irudia ere. Emaitzen arabera, EAEko biztanleriaren ia erdiak (%48,9) gizarte-erakunderen batekin moduren batean kolaboratzen du. Lankidetza mota ohikoena dohaintza ekonomikoa izaten da, inkestan parte hartutakoen ia herenak egiten duena; eta laguntzen dutenen artean, %45,8k erakunde batekin baino gehiagorekin egiten du. Txostenak diru-dohaintza (%31,9), boluntario-lana (%11,2), bazkidetza (%11,3) eta gauzazko ordainketak (%15,5) hartzen ditu aztergai.

Sexu-banaketaren arabera, boluntariotzaren inguruan lankidetza motaren bat egiten dutenen artean %70 emakumeak dira; eta %30 gizonezkoak. Adinari dagokionez, 55 eta 64 urte bitarteko pertsonen parte-hartze handiagoa igartzen da, bereziki dohaintza ekonomikoen bitartez, eta lankidetza txikiagoa 14 eta 24 urte bitartekoen artean. EAEko boluntariotzari dagokionez, biztanleriaren %11,2k parte hartzen du jarduera horretan, Espainia osoko tasa baino bi hamarren gehiago. Boluntario-lanak egiten dituzten 200.000 pertsonen artean, %58,8 emakumeak dira. Adinaren araberako analisiak erakusten duenez, 65 urte edo gehiagoko pertsonen taldeak izan du parte-hartze handiena boluntario-lanetan Euskal Autonomia Erkidegoan, eta hori bat dator eskualdearen osaera demografikoarekin.