Eudel-Euskadiko Udalen Elkarteak egindako dokumentu horren helburua Gipuzkoako udalei orientazioa ematea da, etxeko laguntza-zerbitzuaren araudiak bi alderditan eguneratu ditzaten: batetik, azken urteetan izandako lege-aldaketetara egokitzeko eta, bestetik, zenbait hobekuntza txertatzeko EAEko araudian ezarritako oinarrizko zerbitzuari dagokionez. Hobekuntza horiek hainbat auzi dituzte hizpide, hala nola intentsitate handiagoa, zerbitzua asteburuetara zabaltzea, Gizarte Zerbitzuen Euskal Sistemaren prestazio-zorroan (185/2015 Dekretua) jasota ez dauden pertsonak ere estaltzea, urgentziazko sarbidea, eta ordainketa partekatua 15 eurora mugatzea. Ereduak bi baremo jasotzen ditu eranskin gisa: batetik, zerbitzuetara sartzekoa eta, bestetik, ekarpen ekonomikoa egitekoa. Lehenbizikoak eskatzaileen zerrenda antolatzeko irizpideak eta zerbitzuan sartzeko lehentasunak ezartzen ditu, gizarte-diagnostikoan oinarriturik. Bigarrenak, berriz, zehazten du nola egin behar den onuradunen ahalmen ekonomikoaren kalkulua, eta orduko kostuaren zein zati hartu behar duten beren gain, zerbitzua ordainketa partekatuaren mende baitago.
Hitz gakoak
Personas mayores, Discapacidad, Dependencia, Atención domiciliaria, Intervención social, Beneficiarios, Acceso, Admisión, Criterios, Derechos, Obligaciones, Procedimiento, Seguimiento, Prestación vinculada al servicio, Financiación, Coste, Nivel local, Características servicio, Características usuario, Reforma, Normativa, Gipuzkoa, País Vasco, España