Hirugarren Sektorearen hurbiltze sakon, plurala, anitza eta multipolarra jasotzen da liburu honetan aurkeztutako ataletan, sektorearen askotariko zereginak, egungo artikulazioa, ezaugarriak, aukerak eta erronkak aztergai hartzen dira partaide izandako 41 adituk idatzitako artikuluen bitartez.
Liburu mardul honetako 28 ataletan Espainiako Hirugarren Sektorearen analisi bat burutzen dute bertan parte hartu duten 41 egileren artean, eta azken batean aurreko hiru hamarkadetako egoera modu sakon batean aztergai hartzen dute. Izan ere, sektorearen parte hartzen duten erakunde anitz eta erakunde horietan partaide diren bi milioitik gorako boluntarioez gain, askotariko zereginak betetzen ditu Hirugarren Sektoreak eta askotariko moduetan antolatzen dira sektorearen xedeak betetzeko. Orrialde hauetan zehar, irakurleek Hirugarren Sektoreko eragile nagusietako batzuen lanaren berri izango dute, berariazko erakundeetatik hasi eta beren jarduera koordinatzeko erabiltzen diren plataformetaraino, erakunde berezi deiturikoetatik igaroz.
Hirugarren Sektoreak gizarte zibilean duen izaera garrantzitsua, ezaugarriak, gizarte-eragina, eta baita ere etorkizunean izan ditzakeen erronkak aztertu ondoren, aurretik aipatu diren erakunde berezien analisia jasotzen da, hau da, Caritas, Gurutze Gorria eta ONCE erakundeen azterketa xehe bat. Horren ostean, fundazioen garrantzia aztergai hartzen dute, FOESSA, La Caixa eta Inuit fundazioei dagokiena. Jarraian, sektorearen egituraketan Espainian ageri diren bi plataformen inguruko informazioa eskaintzen dute (gizarte-ekintzako GKEena eta Hirugarren Sektorearen Plataforma). Ondoren, jarduera-eremuak ardatz hartzen ditu testuak: ezgaitasuna, pobrezia, haurtzaroa, migrazioak, etab. Azkenik, administrazioarekiko harremanaren izaera espezifikoari buruzko hausnarketarako gune bat ere eskaintzen zaio testu honetan.